Webcams
Buscar
Reproductor de Vídeo is loading.
Ver transcripción Momento actual
Subir al vídeo
- 0:00Telva: rápida, vivaracha, argute, cucia...
- 0:05Nun se-y escapa una.
- 0:08Xuacu: noblón, honráu, netu, lleal...
- 0:13Amigu de los sos amigos.
- 0:15Sabela: sabicheira, espelida, doce, abrazable...
- 0:21Andadora por os soutos del occidente.
- 0:24Güei falamos con ellos...
- 0:27¡A fueu celta!
- 0:31¡Animalada Xabaz!
- 0:36¿Quién ye Cellero? ¡El vieyu del cuentu!
- 0:40¿Quién ye Fefa? ¡La fía de Cellero!
- 0:43¿Quién ye Enol? ¡Un mozu neorrural!
- 0:46¡Animalada Xabaz! ¡Qué animalada!
- 0:49¡Animalada Xabaz! ¡Qué animalá!
- 0:52¡Animalada Xabaz!
- 0:56Bienllegaos a esti programa d'entrevistes...
- 0:58¡A fueu celta!
- 1:01Algamamos tantu ésitu col nuestru últimu cantar...
- 1:05¡Viva'l mal, viva'l celular!
- 1:09¡Viva'l mal, viva'l celular!
- 1:13Yá sabéis, una visión deconstructiva vintage
- 1:16d'aquel gran ésitu de la bruxa Avería.
- 1:19... que consiguimos tener el nuestru propiu programa de radiu.
- 1:24¡Xabaz!
- 1:26¡Xabaz!
- 1:30Entamámosla cola primera entrevista.
- 1:32Xuacu, ¿cómo foi la to infancia?
- 1:35Feliz, nin.
- 1:37La meyor infancia del mundu.
- 1:39Corría pelos montes,
- 1:41fozaba ente los castañeos, xugaba...
- 1:45¿Xugaste muncho de xabatu? -Mialma si xugué,
- 1:48nun facía otra cosa, pamidea.
- 1:50Amás, daquella yéremos munchos gochinos monteses.
- 1:55Yá, el baby boom xabatu.
- 1:57Agora da too pena.
- 2:00¿Cómo yeren tos padres? -Mio padre yera un xabaril grande,
- 2:06bien forníu, noble...
- 2:09Y, anque poco istruyíu, él fixo tolo posible
- 2:13pa que los sos fíos tuvieren un futuru más amañosu que'l d'él.
- 2:18¿Y to madre?
- 2:20Mio ma yera como mio pa. Exactamente igual.
- 2:23Míralos, qué evolucionaos.
- 2:25Sabela, tu es del occidente, ¿verdá?
- 2:28Eso é, del occidente.
- 2:30¿Cómo eran os soutos d'esa parte d'Asturias na tua infancia?
- 2:35Un paraíso natural.
- 2:38¿Y a convivencia cos humanos?
- 2:40Mui respetuosa.
- 2:42Elos non se metían nas nosas terras
- 2:46y nosotros non baxábamos aos sous poblos.
- 2:51Os osos sodes animales solitarios por demais.
- 2:54¿Cómo che marcou a ti esa característica?
- 2:57Deume capacidá pra imaxinar,
- 3:01un pouco de gosto pola soledá
- 3:04y capacidá de resilencia.
- 3:07Mírala, qué adelantá.
- 3:09Telva, tu quiziabes, de los tres,
- 3:11yes la que más contautu tuvo colos humanos.
- 3:14Yes un animal domesticáu.
- 3:16Non pa tanto, eh.
- 3:18Les cabres siempre conservamos daqué de xabaz.
- 3:22De fechu, la cabra tira al monte.
- 3:26Esi enclín siempre lu llevamos dientro.
- 3:29Entós, lo de ser un animal domesticáu... mediu domesticáu, ¿marcóte?
- 3:34Asina ye, Gallu.
- 3:37Tien les sos coses bones y coses regulares.
- 3:42¿Dalguna vez te dixeron que tas como una cabra?
- 3:46Ná, ente les cabres,
- 3:48dizse más bien: "Tas como un humanu".
- 3:51Cuando yo yera neña, decíase como muncho
- 3:54eso de: "Tas como una maniega".
- 3:58Qué interesante.
- 3:59¿Y "tas como un cestu figos"? ¿Eh?
- 4:02Eso decíenlo más bien pal valle.
- 4:04Decíenlo les oveyes.
- 4:06Sélo yo, qu'en verdá, nací carneru xaldu,
- 4:11pero eso ye otra hestoria.
- 4:13El casu ye que, a mio güela,
- 4:16téngo-y sintío dicir:
- 4:18"Tas como una bicicleta ensin pedales".
- 4:21Mírala, qué moderna.
- 4:23Queremos dar les gracies a Martín Peña, del pódcast
- 4:27A fueu celta,
- 4:30por danos un espaciu nel so programa.
- 4:33Ameyórate, nin.
- 4:35Y tamién a la RPA por cedenos les sos instalaciones.
- 4:38Asina que vamos finar
- 4:39cola entruga que suel facer Martín a los sos convidaos:
- 4:43¿Cuála ye la vuestra palabra favorita n'asturianu?
- 4:47¡"Fozar"!
- 4:50¡"Chiflar"!
- 4:52¿Y a tua en galego-asturiano?
- 4:55¡Sabicheiro! -Home, ba. Sabíalo yo.
- 4:58Cala, sabicheiro.
- 5:05¡Hola! -Hola, buenes.
- 5:07Taba interesáu en clases d'Asturianu
- 5:09y dixéronme qu'equí dábenles.
- 5:11Sí, ponemos clas d'Asturianu a neños.
- 5:13Esto ye'l colexu Cabueñes, de primaria.
- 5:16¡Ah! Acabes de dicir una cosina que me presta muncho.
- 5:20N'asturianu dizse "poner clase".
- 5:23Sí, "poner clas". -Ye guapísimo.
- 5:25Ye dalgo que, cuando tamos deprendiendo asturianu, préstanos.
- 5:29Y dizse "echar la comedia",
- 5:32"poner clase"...
- 5:34Si t'interesa deprender a falar n'asturianu,
- 5:37pues dir a les oficines de política llingüística,
- 5:40entrugar na Academia de la Llingua...
- 5:42Díxome un paxarín que va poder deprendese nes Escueles d'Idiomes.
- 5:46¡Hala! O seya, que pues dir y deprender asturianu y alemán.
- 5:50Claro. Y tu que vas ser un fenómenu, que lo sé yo,
- 5:53puedes dir y depués esaminate del B2, del C1...
- 5:56Oye, pero déxame aprovechar...
- 5:58Sabiendo que nesti colexu dais Asturianu...
- 6:01Ye que toi un poco esmolecíu porque hai dos programes
- 6:04n'Animalada Xabaz... -¿Animalada Xabaz?
- 6:07¡Nun me digas que yes Enol!
- 6:09Sí. -Home, colo que-yos gusta
- 6:11a los mios neños y neñes. Cuando-yos diga que tuve contigo...
- 6:14Qué presto. -Vamos facer un selfi, ¿paezte?
- 6:17Sí. -Una semeyuca
- 6:19pa los mios neños y neñes.
- 6:21A ver...
- 6:23¡Ai, qué prestoso!
- 6:25Van quedar alucianos. -Qué bien.
- 6:27Cuéntame. -Salúdalos de la mio parte.
- 6:29Ye que quedé un poco esmolecíu
- 6:31porque taba esplicando cómo facer papes
- 6:34y bueno...
- 6:36Una cosa ye qu'el paquete ponía "harina de trigo".
- 6:40Claro, poníalo en castellán. Costóme alcontrar...
- 6:43Hai fariñes etiquetaes n'asturianu, pero nun les topé.
- 6:47Pero, depués, yo dixi:
- 6:49"Fariña de trigu".
- 6:51Y quedé un poco esmolecíu porque, como la fariña
- 6:54ye dalgo tan incontable,
- 6:56pues igual tenía de dicir "fariña de trigo"
- 6:59o "fariña de garbanzo". -Non.
- 7:01Ta perfeuto como lo dixiste. Mira, esplícote:
- 7:04Eso que dices ye dalgo que nomamos el neutro de materia.
- 7:07Suena raro, pero ye mui cenciello.
- 7:10Verás: dixiste dos sustantivos y, n'asturianu, siempre acaben en u.
- 7:15Sí. -Bueno, en masculín.
- 7:17"Farina de trigu", ¿val?
- 7:19Ta bien dicho.
- 7:20Si dixeres "fariña de trigu blanco",
- 7:24metiendo un axetivu, entós ya tienes que poner una o.
- 7:27Mientres seyan sustantivos, nomes, ye con u.
- 7:30Porque "trigu" ye un nome, un sustantivu, como "garbanzu".
- 7:34Díxelo bien. -Sí, perfeuto.
- 7:37N'asturianu, el masculín acaba n'u.
- 7:39Y lus neñus del to cole...
- 7:42"Lus neñus", non, Enol. "Lus neñus", non.
- 7:45"Los neños".
- 7:47Mira, los mis neños y les mis neñes eso faenlo muncho.
- 7:50Cuando tienen qu'esponer y pónense nerviosos,
- 7:53piensen que nun saben y perasturianicen les coses.
- 7:56Nun dicen: "los neños", "los osos", "los perros" o "los gatos",
- 8:00dicen: "lus neñus", "lus osus", "lus perrus", "lus gatus"...
- 8:04Una cosa mui rara. Pónenlo en "us".
- 8:06Claro, como el singular ye "u"... -Claro.
- 8:09"L'osu", "lus osus".
- 8:11Non, non. Pues ye "los osos".
- 8:14¿Val? -Sí.
- 8:15Ye mui cenciello. Un truquín:
- 8:17si ye "un", "u",
- 8:19pues ye "u", acaba en "u", fina en "u".
- 8:22Y si ye "os", o sea "dos", pues fina en "os", ¿val?
- 8:26Por exemplu, si dices "un perru",
- 8:28"un perru" fina en "u". "Dos perros" fina en "os".
- 8:32Sentí l'otru día qu'hai 40 años qu'entamaron les clases n'asturianu.
- 8:36Dende 1984.
- 8:38Dende'l añu que nací yo ponen clases n'asturianu.
- 8:42Y anantes de poner clase n'asturianu,
- 8:44¿cómo facíen pa falar asturianu?
- 8:47Home, falaben en casa, Enol.
- 8:48Falaben natural, yera la so llingua materna.
- 8:51Dempués, por circunstancies históriques, esmolecióse un puquiñín.
- 8:55Agora, tenemos que dir a clas pa deprender. La xente fálalo mui bien,
- 8:59pero ye pa deprender a escribilo bien.
- 9:02Pa escribilo, sí. Yo conozo families que falen asturianu
- 9:06ensin falta dir a clase. -Claro, sí.
- 9:09Pero ye verdá que sirve pa escribir, sí.
- 9:12De toes formes, yo siempre-yos digo
- 9:14qu'hai que falar anque nun fueras a clas nin te lo esplicaran.
- 9:19Hai que falar siempre.
- 9:20Anque t'equivoques. -Pa deprender y salvar les llingües,
- 9:24hai que falales, sentiles y lleeles.
- 9:26Nun importa lo que sepas o non.
- 9:28Eso fágolo yo. Anque metas la pata... -Faes bien.
- 9:32Agora que dixiste lo de "lus neñus" d'anantes,
- 9:36tamién tenía yo una dulda...
- 9:37Puedes dicir "animalada" o "animalá", ¿non?
- 9:41¿Ye correuto? -Sí, cuando tas falando oralmente,
- 9:45como agora, pues dicir "animalá".
- 9:47Pero escribiendo, tienes que poner la d.
- 9:49Tolos finales en "ada" hai que respetalos.
- 9:52Hai qu'escribir la d anque depués,
- 9:54cuando lo pronuncies, la d marche. -Eso ye.
- 9:57Oye, pues préstame. Voi ver si topo les clases p'adultos.
- 10:01¿Cómo te llames? -Laura Peláez.
- 10:03Ah, ¿Laura? ¿Laura Peláez? -Sí.
- 10:06Tengo yo un par de llibros tuyos. -Los llibrinos.
- 10:09Tengo ún que ye pa ñácaros.
- 10:11Sí, pa ñacarinos. Xugando colos númberos.
- 10:13Pa deprender los númberos. -Espublizáu con David Fernández.
- 10:17¿Y el del saltapraos? -Ye De profesión, saltapraos.
- 10:21Del saltapraos Xuanón. -Lleílu yo.
- 10:23Pues agora que sé qu'escribes,
- 10:25anantes de marchar, podíes decime una cosadiella.
- 10:28Voi pensar dalgo guapo.
- 10:31Cúntennos cuando salimos, faiga calor o faiga fríu.
- 10:34La nueche ye la nuesa collacia y el día, el nuesu enemigu.
- 10:43¿Repítotela?
- 10:45¿Repítesmela? -Otra vez, mira:
- 10:47cúntennos cuando salimos, faiga calor o faiga fríu.
- 10:52La nueche ye la nuesa collacia y el día, el nuesu enemigu.
- 10:57Ye mui cenciellu, eh.
- 10:59¿Les estrelles? -Les estrelles, mui bien.
- 11:01¡Les estrelles!
- 11:03A ver, a mi préstame depués repasala. -Venga.
- 11:06"Cúntennos cuando salimos".
- 11:08Les estrelles. -Claro.
- 11:10Ye guapo dir a contar estrelles.
- 11:12"Faiga calor o faiga fríu", porque salen pase lo que pase.
- 11:15Nun habiendo contaminación... -Que les veamos ye otra cosa.
- 11:19Pero tan ehí. -Por eso vine yo a l'aldea.
- 11:22Soi neorrural por escapar d'aquello.
- 11:24Esi ye un buen motivu.
- 11:26"La nueche ye la nuesa collacia". Sin la nueche...
- 11:29Tienen que vese pela nueche. "El día, el nuesu enemigu".
- 11:32Porque de día, tán durmiendo. -Desapaecen.
- 11:36Prestóme asgaya. -Vaya presto conocete.
- 11:38Cuando-y lo diga a los neños y les neñes...
- 11:41Da-yos un abrazu. Cualquier día paso per ellí.
- 11:44Sí, ho. -Bueno...
- 11:45Venga, ta llueu. -Ta llueu, Laura.
- 11:49Á Fefa, volvisti poner eses llucecines
- 11:53y eses boles colingaes del horru.
- 11:55Ai, padre, nun seya fediondu.
- 11:58¡Ye Navidá!
- 11:59¿Navidá?
- 12:01Navidá... Tolos años igual:
- 12:03que si Ñavidá, que si la Navidá...
- 12:06Y mira, a mi la Navidá
- 12:08yá sabes que me pon un poco repunante.
- 12:10Ai, padre, ye que me pon... -¿Quién soi?
- 12:14Mamina, mialma, nun me decato.
- 12:17Una pista, padre: gorru marín...
- 12:21Muncha barba.
- 12:22Traxe d'agua mariellu.
- 12:24¿Botes d'agua? -Sí.
- 12:27Y un caxón de madera.
- 12:29Nun soi a ello.
- 12:31Y... una llámpara de carburu y un cedazu.
- 12:36Si nun lo aldovina con estes pistes, nun sé qué más dicir.
- 12:40¡Ah, sí! Sí, sí.
- 12:44Y una montonera caxes
- 12:46enllenes de regalos.
- 12:48¡Contra, l'Anguleru!
- 12:50¡El mesmu!
- 12:54Cuantayá que nun te vía, nin.
- 12:56Home, dende la Navidá pasada.
- 12:59Tamién ye verdá. -Cellero,
- 13:01tas igual que siempre.
- 13:02Igual de vieyu quies dicir, ¿eh?
- 13:05Equí traigo la garulla pa l'animalada.
- 13:09Paezme qu'esti añu nun-y va facer falta facer de comer, padre.
- 13:13Home, tamos en Navidá,
- 13:15ye tiempu de comer llambiotaes.
- 13:19¡Cellero! -¡Fefa!
- 13:26¡Cellero! -¡Cellero!
- 13:28¡Cellero!
- 13:29¡Fefa! -¡Fefa!
- 13:32¡Cellero!
- 13:33¡Qué guapo ta too!
- 13:35Sí. -¡Hala!
- 13:37Eh, mirái.
- 13:41Ye...
- 13:42El...
- 13:44Angu...
- 13:45Sí, animalada, ye l'Anguleru.
- 13:50Asina qu'hoi nun tenéis comida, tenéis...
- 13:53¡Llambiotaes! -¡Lambuadas!
- 13:56¡Garulla! -Oi, Anguleru,
- 13:59¿ye verdá que vives perlloñe?
- 14:02Sí, señor, nel mar de los Sargazos.
- 14:05Pero eso me pinta que ta lonxe lonxe lonxe.
- 14:10Eso abúltame que ta p'América polo menos.
- 14:13Polo menos. -Eso ye.
- 14:16Ye un mar que ta pa contra América del Norte.
- 14:19L'Anguleru ta ellí tol añu
- 14:21y nel mes d'avientu torna p'Asturies a pescar angules.
- 14:25Y colo que saca de vendeles merca llambiotaes y regalos
- 14:28pa repartilos na Nuechebona.
- 14:31Montáu nel mio chalanu,
- 14:33que se llama l'Angulina.
- 14:35Contra, entós, ¿pa los llugares que nun tán na costa
- 14:40vas tamién nel chalanu?
- 14:42¡É verdá! Que un chalano é úa barca pequena.
- 14:47¿O ye que'l to chalanu
- 14:49ye máxicu y esnala?
- 14:54Xusto, el mio chalanu vuela, pero nun ye máxicu.
- 14:58Lo que ye máxicu y fae qu'esnale
- 15:00ye'l mio farolín.
- 15:03Agora marcho, animalada,
- 15:05que tengo que siguir cola pesca pa sacar perres
- 15:08y poder mercar los agasayos.
- 15:12Ten cuidáu, nun vayas chocar con Papá Noel.
- 15:17Calla, ho,
- 15:18nun me fales d'esi foriatu.
- 15:23Adiós. -Ta llueu.
- 15:25Adiós.
- 15:40¡Lambuadas!
- 15:42¡Llambiotaes! -¡Llambiotaes!
- 15:57¿Yá lo comistis?
- 15:59Esta animalada...
- 16:03¡Xabaz!
- 16:07Entós, ¿qué te pasa, Xuacu?
- 16:09¿Qué va a pasarye? Lo de sempre.
- 16:13¿Tas repunante, nin?
- 16:14Pero pa esta vez hai motivu.
- 16:17Xa, xa... Eso dices sempre.
- 16:20Pémeque yá sé yo lo que te pasa.
- 16:23¿Qué ye pasa, Cellero?
- 16:25Ta amoriáu por cuenta la Navidá.
- 16:28¡Meca! ¿Ye eso, Xuacu?
- 16:30Toi amoriáu, fadiáu, refalfiáu...
- 16:34¡Y repunante!
- 16:36Por cuenta la Navidá, sí.
- 16:39Por fin, daquién que m'entiende.
- 16:42Hala, yá tamos.
- 16:44Pero ¿cómo pode ser?
- 16:46Tu tas tolo,
- 16:48si a Navidá é mui prestosa.
- 16:51Les llucecines maréenme.
- 16:54Tal qu'a min.
- 16:55La xente va a la carrera y amóriame.
- 16:59A mi tamién.
- 17:00El bandullu hínchaseme
- 17:02y duelme con tanta comida
- 17:05y tanta fartura. -Y a min.
- 17:07Y póngome nerviosu pensando nos regalos que me van dar.
- 17:12Eso yo non.
- 17:14Lo que te pasa, Xuacu, ye pernormal,
- 17:17porque estes feches son un poco traicioneres.
- 17:20Hai que s'averar a la Navidá con xeitu,
- 17:23con cuidáu y con sentíu,
- 17:25porque, si non, pue pasate
- 17:27lo qu'al gatu del cantar.
- 17:29¿Lo qu'al gatu del cantar?
- 17:32Sí, ho, el señor don Gatu que taba sentáu nel teyáu...
- 17:37¡Marramamiau, miau, miau!
- 17:39Y recibió la noticia de que diba casar...
- 17:43¡Marramamiau, miau, miau!
- 17:45Con una gata morena...
- 17:47¡Marramamiau, miau, miau!
- 17:50Que yera sobrina del gatu pardu...
- 17:53¡Marramamiau, miau, miau!
- 17:55Y de lo contentu que se punxo...
- 17:57¡Marramamiau, miau, miau!
- 18:00Cayó del teyáu p'abaxo.
- 18:03¡Marramamiau, miau, miau!
- 18:06Y lougo, eso del gato da cantiga,
- 18:10¿qué ten que ver col que ye pasa a Xuacu?
- 18:13Hai veces que pasa daqué que mos pon mui contentos,
- 18:18pero que mui contentos,
- 18:20muncho contentos...
- 18:22¡Gayoleros! -¡Ledos!
- 18:24¡Llasparderos!
- 18:26Y entós, nun somos a controlar eso que tenemos per dientro.
- 18:30Ai, esi ñerviu...
- 18:33Y ponémonos a correr y blincar a lo xole.
- 18:36Y de lo contentos que tamos...
- 18:38Pegámonosla.
- 18:40Cayemos pal suelu.
- 18:41Y mancámonos.
- 18:42Pegámonos una sapada...
- 18:45Una gochada...
- 18:49Entoncias,
- 18:51¿eso foi el que ye pasou al gato da cantiga?
- 18:55¿Cayeu del teyao de lo contento que se puxo?
- 18:58Claro, dizlo'l cantar.
- 19:01¡Marramamiau, miau, miau!
- 19:04¿Y qué tien que ver el don Gatu del cantar colo que me pasa a min?
- 19:09Tien que ver,
- 19:10porque la Navidá ye un tiempu nel que la xente se pon mui contenta,
- 19:15pero tamién mui ñerviosa y alterada.
- 19:18Claro, anden toos d'un llau pal otru a la carrera
- 19:22mercando pa la cena d'esti día, pa la cena del otru...
- 19:25Que si un regalín pa esti, un regalín pal otru...
- 19:29Y paez que, si nun tas contentu,
- 19:32ye que yes un repunante.
- 19:34É que tu es un repunante, cocho bravo.
- 19:37¿Tu nun amories en Navidá, entós?
- 19:41¡Non!
- 19:43Porque eu pensó nos galanos.
- 19:45¿Eh? ¿Los qué?
- 19:47Os galanos.
- 19:48Los regalos, claro.
- 19:50Y tamén disfruto de tar cua familia,
- 19:54toos xuntos.
- 19:56Y d'atopar otra vuelta a los que vienen de fuera.
- 20:00Que n'Asturies son munchos. -Sí, ye verdá.
- 20:03Dexáime que vos faga una entruga:
- 20:06si nun hubiere regalos, ¿diba prestavos la Navidá?
- 20:11Home...
- 20:12Quedaríen les pistes de xelu...
- 20:14El xuntase cola familia...
- 20:17As luces...
- 20:18Les lluces a mi amórienme, sabicheira.
- 20:21Los villancicos...
- 20:22¡Sí!
- 20:24¡Los villancicos!
- 20:27¡Non!
- 20:29¿Qué pasó, Cellero?
- 20:33Ye que Cellero tarrez los villancicos.
- 20:36Nun pueo con ellos, dende guah.e.
- 20:40Nun puede con ellos...
- 20:41Tarrezlos...
- 20:42Colo guapíos que son...
- 20:45El vieyu ye Melchor,
- 20:48el prietu, Baltasar,
- 20:50y el del camellu coxu que va en mediu ye Gaspar.
- 20:55¡Viva Xentiquina! -¡Viva!
- 20:58El vieyu ye Melchor,
- 21:00el prietu, Baltasar,
- 21:03y el del camellu coxu que va en mediu ye Gaspar.
- 21:08¡Non!
- 21:11Van caminando per un camín.
- 21:15Van entrugando por un rapacín.
- 21:19¡Viva Nuberu!
- 21:21Van caminando per un camín.
- 21:25Van entrugando por un rapacín.
- 21:28Mialma, voi marchar.
- 21:31Unu yera mui vieyu.
- 21:34Otru, medianu.
- 21:38Otru yera bon mozu,
- 21:42yera asturianu.
- 21:48Unu yera mui vieyu.
- 21:52Otru, medianu.
- 21:56Otru yera bon mozu,
- 22:00yera asturianu.
- 22:05¡Ai, les mios oreyes!
- 22:09Y nun portalín de piedra
- 22:12taben María y Xosé.
- 22:15Taba María llorando,
- 22:19taba ñerviosu Xosé.
- 22:24¡El que faltaba!
- 22:25¡Viva Vítor Manolo!
- 22:29A ver si van cobramos de la SGAE...
- 22:31¡Anímese!
- 22:32Anímese, padre, y dexe d'esmolecese.
- 22:35Y nun portalín de piedra
- 22:38taben María y Xosé.
- 22:41Taba María llorando
- 22:44y repunante Xosé.
- 22:49Y nun portalín de piedra
- 22:52taben María y Xosé.
- 22:55Taba María llorando
- 22:58y repunante Xosé.
- 23:04¡Que vivan los villancicos asturianos!
- 23:08¡Abaxo los peces que beben nel ríu!
- 23:12¡Al carayo col burrito sabanero! -¡Eso!
- 23:16Ta subiéndo-yos tol zucre de les llambionaes del Anguleru.
- 23:20¿Gústen-y agora más la Navidá y los villancicos, Cellero?
- 23:24A min quitóseme la repunancia.
- 23:27Quen canta el sou mal espanta.
- 23:30¿A vusté quitóse-y, Cellero?
- 23:34Pémeque non.
- 23:36Yá vos dixe que tarrez los villancicos.
- 23:38Pero si son villancicos n'asturianu.
- 23:43Hai coses que nun tienen por qué ameyorar por dicise n'asturianu.
- 23:50Calle, repunante.
- 23:52La mula y el güe,
- 23:54María y Xosé,
- 23:56abluquen col neñu que nació en Belén.
- 24:00La mula y el güe,
- 24:02María y Xosé,
- 24:04abluquen col neñu que nació en Belén.
- 24:13Y pa rematar esta collaboración tan prestosa nel pódcast...
- 24:17A fueu celta.
- 24:19... vamos facer un tema nuestru. -De los que rinchen les cuerdes.
- 24:23Pola...
- 24:25hai que buscar nuevos carreros na vida musical,
- 24:28tenemos que trunfar d'una vez. -Contra, Gallu, paeces yo.
- 24:32Querida reciella, vamos echar un temazu
- 24:35compuestu por min.
- 24:37Ehí, ehí, Breakthoven...
- 24:40Un villancicu.
- 24:43Contra, Gallu, ¿un villancicu?
- 24:47Un villancicu ye lo que nos falta pa trunfar.
- 24:50Yo asina nun quiero trunfar, Gallu.
- 24:52Nun puedo colos villancicos, dende neñu.
- 24:55¿Tu viste cuántes visites tienen en YouTube los villancicos navidiegos?
- 24:59A esti pasu, vas querer convertinos nos CantaJuegos.
- 25:03Home, pues nun taba mal... Esos sí que moneticen.
- 25:06Gallu, tas irreconocible.
- 25:08Tenemos que paecer más amables y menos xostronos
- 25:11pa que nos tomen en serio.
- 25:13Tarrezo los villancicos.
- 25:15¿Qué más dará? ¿Pienses que los músicos toquen lo que-yos gusta?
- 25:20Ye que nosotros nun somos músicos.
- 25:25Yo nun toco villancicos y punto.
- 25:31Anda, Pola, piensa en toa esa xente
- 25:34que vive fuera y vien agora a casa per Navidá.
- 25:36Tolos mios amigos. -Claro.
- 25:40Pa eso ye la Navidá, pa xuntase.
- 25:42¿Por eso tenemos de tocar un villancicu? ¿Nosotros?
- 25:46¿Nosotros, que somos los malos del barriu, los xostronos,
- 25:49los pintes? -Non.
- 25:53Yo yá nun quiero ser un pinta.
- 25:56Rediós col espíritu navidiegu.
- 25:59Collaciu, vamos infiltranos nel mundu de los bonos modales.
- 26:03Eso porque facemos un pódcast.
- 26:05Dante un programa na tele
- 26:06y acabes como Manolito, el de Mafalda. -Eso nun te lo consiento.
- 26:11A esti pasu, acabamos faciéndo-y un tema a Papá Noel.
- 26:15Pues nun taría mal.
- 26:17Ai, Papá Noel. Ai, Papá Noel.
- 26:22Traime agasayos pa min, nun los traigas pa él.
- 26:26Ai, Papá Noel...
- 26:28Non, eso nunca.
- 26:30Yo soi de los reis magos. Papá Noel ye un chancleta.
- 26:33¿Cómo que ye un chancleta? -Sí.
- 26:35Un chancletu, un satélite,
- 26:37un NPC, un nunmediolacabezapamás. -Ah, ¿sí?
- 26:40Pues los reis magos son unos repunantes.
- 26:43¿Cómo que repunantes?
- 26:44Hai que-yos dexar les copes llenes,
- 26:46les zapatilles fuera'l cuartu, comida pa los camellos...
- 26:50Unos repunantes y unos fediondos.
- 26:52¿Fediondos? -Y cafiantes.
- 26:55Vamos dexalo pa prau, anda.
- 26:58Oi, Papá Noel paezte un chancleta... ¿Y l'Anguleru?
- 27:02¿L'Anguleru? Qué va, ho.
- 27:04L'Anguleru ye collaciu míu.
- 27:06¿Collaciu? -Sí, ho. De dir pescar.
- 27:10Y el Faroleru de Candás tamién.
- 27:19Yá ye ventiún d'avientu.
- 27:27El Huerna enséñame la nieve
- 27:31otru añu más.
- 27:35Toi camín de casa.
- 27:41Cómo me presta volver per Navidá.
- 27:49Y anque too seya consumismu
- 27:54y en setiembre yá quieran vendenos
- 27:58turrón y mazapán...
- 28:02Va ser tiempu de folgar, de folixa y de paz,
- 28:06d'esfrutar cola familia.
- 28:09Y como nun cuesta pidir, vamos pidir dende equí
- 28:13salú y felicidá.
- 28:18Vamos facer un moñecu.
- 28:26Vamos baxar col trinéu pelos praos.
- 28:33Van tar los montes dormíos
- 28:40y los carrascos florecíos.
- 28:48Y anque too seya consumismu
- 28:53y en setiembre yá quieran vendenos
- 28:58turrón y mazapán...
- 29:01Va ser tiempu de folgar, de folixa y de paz,
- 29:05d'esfrutar cola familia.
- 29:08Y como nun cuesta pidir, vamos pidir dende equí
- 29:12salú y felicidá.
- 29:16Va ser tiempu de folgar, de folixa y de paz,
- 29:19d'esfrutar cola familia.
- 29:23Y como nun cuesta pidir, vamos pidir dende equí
- 29:27salú y felicidá.
- 29:30Va ser tiempu de folgar, de folixa y de paz,
- 29:34d'esfrutar cola familia.
- 29:38Y como nun cuesta pidir, vamos pidir dende equí
- 29:42salú y felicidá.
- 29:48¡Dai caña, Gallu!
- 29:50Feliz Navidá pa toes, feliz Navidá pa toos.
- 29:53Feliz Navidá deséavos l'animalá.
- 29:57Feliz Navidá pa toes, feliz Navidá pa toos.
- 30:01Feliz Navidá deséavos l'animalá.
- 30:13Feliz Navidá pa toes, feliz Navidá pa toos.
- 30:17Feliz Navidá deséavos l'animalá,
- 30:22l'animalá,
- 30:24l'animalá...
- 30:29¡xabaz!
- 30:36¡Meca, escaeciósenos convidar a Cellero y a Fefa al pódcast!
- 30:39¿Nun quedares en llamalos tu, pinta? -Sí.
- 30:43Mazcaritu.
- 30:45¿Qué pasa?
- 30:47¡Mazcaritu!
- 30:52¿Qué ficisti?
- 30:53Ye que quería pregunta-y una cosa a Fefa.
- 30:55Serás guzmión... ¿Y qué yera?
- 30:59¿Cómo ye que desplica tan bien les coses del asturianu?
- 31:02Home, ba, porque soi mayestra.
- 31:04Siempre debecí por tar colos neños y neñes.
- 31:08Yo tamién quería pregunta-y daqué. -¿El qué, importón?
- 31:12¿Tien que cuidar muncho de Cellero? ¿Nun cansa?
- 31:15Los nuestros mayores son l'orixe de too.
- 31:19Gracies a ellos tamos nós equí.
- 31:22Eso nun lo hai que escaecer nunca. Hai que los cuidar,
- 31:26anque nun tenemos que ser siempre les muyeres les de lo facer.
- 31:31Hai que falar con ellos,
- 31:33porque los nuestros mayores son l'ayalga de la llingüa.
- 31:37Entrugái-yos, entrugái y entrugái.
- 31:41Ente los sos recuerdos van apaecer dacuando palabres máxiques,
- 31:46tesoros esacecíos que van llegavos al corazón.
- 31:51Too va camudar y tresformase,
- 31:54toos vamos marchar,
- 31:56pero les palabres y los cuentos,
- 31:59los trasgos, los magos, tía Miseria,
- 32:04el cuélebre, Barbazul,
- 32:06el llobu y los cabritinos,
- 32:09la tía Sarmientu...
- 32:12van tar equí siempre.
- 32:17Á Fefa, ¿cuála ye la to palabra favorita n'asturianu?
- 32:21Xabaz.
¡Llegó la Navidá nel capítulu transmedia d’Animalada! Cellero y Xuacu tan repunantes porque nun-yos presta, pero L’Anguleru sorprende a l’Animalada con llambiotaes; los Antipop faen un podcast d’entrevistes con Xuacu, Telva y Sabela, discuten si facer un villancicu o non... y Enol atopa con Laura Peláez, profesora d’asturianu.
¡Llega la Navidad en el capítulo transmedia de Animalada! Cellero y Xuacu están repunantes porque no les gusta, pero el Anguleru sorprende a la Animalada con dulces; los Antipop hacen un podcast de entrevistas con Xuacu, Tleva y Sabela, y discuten si hacer un villancico o no… y Enol se encuentra con Laura Peláez, profesora de asturiano.
Apto para
A
Subtítulos
Pulse el botón
Sí
para visualizarlos
Mi calificación
Comparte
Lo último de Animalada Xabaz
T.2 Cap. 12
5.00 (2 votos)
21 de dic. 2024 32 mins.En reproducción
T.2 Cap. 11
5.00 (4 votos)
14 de dic. 2024 28 mins.En reproducción
T.2 Cap. 10
5.00 (7 votos)
07 de dic. 2024 30 mins.En reproducción
T.2 Cap. 9
5.00 (2 votos)
30 de nov. 2024 28 mins.En reproducción
Más de Animalada Xabaz
Animalada Xabaz 2024
8 programasAnimalada Xabaz 2021
8 programas© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL